အခြေအနေကိုအကောင်းဆုံးအသုံးချခြင်း

အတိတ်ကို ပြန်သွားတာတော့မဟုတ်ပါ။ မနေ့ကဖြစ်ခဲ့တာတွေကိုတော့လစ်လျှုရှုလို့မရနိုင်ဘူးလို့ထင်ပါတယ်။
မြန်မာပြည် ဒီမိုကရေစီအရေးအတွက်၊ ရဟန်းသံဃာတွေ၊ ကျောင်းသားတွေ၊ ပြည်သူတွေ ရဲ့ အသက်တွေ ဘဝ
ပေါင်းမြောက်များစွာကိုပေးဆပ်ခဲ့ ပြီးပြီ။ ဒီလိုအနစ်နာခံခဲ့ခြင်း တွေရဲ့ ရည်ရွယ်ချက်ကတော့၊ မြန်မာပြည်နဲ့ ပြည်
သူတွေရဲ့ဘဝတွေ လွတ်လပ်ပြီး၊ လူလူခြင်းနှိပ်စက်တဲ့ဘဝတွေကနေလွတ်မြောက်ဖို့ဘဲဖြစ်တယ်လို့နားလည်မိ
တယ်။

မြန်မာပြည်ဟာလွတ်လပ်ရေး ရပြီးနောက်ပိုင်း ကတည်းက တည်တည်ငြိမ်ငြိမ် နဲ့လမ်းကြောင်းမှန်ပေါ်ကို မရော
က်နိုင်ခဲ့သေးတာကြောင့် ဆင်းရဲတွင်းနက်မြဲနက်နေရတာဖြစ်တယ်။ အထူးသဖြင့် ၁၉၈၈ စစ်အာဏာအသိမ်းခံရ
ပြီးနောက်ပိုင်း၊ အသိဥာဏ်နည်းသော စစ်အာဏာရှင်တစုရဲ့ ကိုယ်ကျိုးအတွက်သာကြည့်ပြီး ဥစ္စာ ပြိုင်အာဏာ
လုမှုများ ရဲ့အကျိုးရလဒ်အဖြင့် အလွန့်အလွန် ဆင်းရဲပြီး၊ အထီးကျန်ဖြစ်ခါ၊ မြန်မာဆိုရင် ကမ္ဘာမှာအထင်သေး
ခံရစရာ လူမျိုးတခုအဖြင့် အားလုံးတွေ့ကြုံခံစားခဲ့ရတယ်။ ယခုအချိန် အထိလည်း နိုင်ငံတကာကိုထွက်ပြီး မိသား
စုစားဝတ်နေရေးပြေလည်ဖို့အတွက် ဒုက္ခ မျိုးစုံခံပြီး ဆင်းဆင်းရဲရဲ လုပ်ကိုင်နေကြတဲ့မြန်မာတွေလည်း တနှစ်ထ
က်တနှစ်ကိန်းဂဏန်းပိုတိုးလာနေတယ်။

ယနေ့မြန်မာပြည်ရဲ့အခြေအနေဟာ ပြည်တွင်းမှာဝါဒဖြန့်ထား တဲ့စစ်အစိုးရရဲ့ မီဒီယာတွေပြောသလို မြန်မာ
ပြည် ဒီမိုကရေစီရသွားပြီ ဆိုတာဟုတ်မဟုတ်ကို အသေအချာစမ်းစစ်ဖို့လိုအပ်သည်ဟုထင်သည်။ အဲဒီလိုသုံး
သပ်တဲ့နေရာမှာလည်း၊ နိုင်ငံတကာကသုံးသပ်သလို၊ လွှတ်တော်ရှိတယ်၊ ရွေးကောက်ပွဲရှိတယ်၊ လူထုဆန္ဒခံ
ယူပွဲနဲ့ဖွဲ့စည်းပုံအခြေခံဥပဒေကို အတည်ပြုထားတယ်၊ အကျဉ်းသားတွေလွှတ်ပေးတယ် ဆိုရင် ဒါဟာကောင်း
မွန်တဲ့လက္ခဏာပဲလို့ အပေါ်ယံသုံးသပ်မှုမျိုးလည်းမဖြစ်စေလိုပါ။

ပြီးတော့၊ မြန်မာပြည်မှာအလုပ်အကိုင်တွေ တိုးပွါးလာအောင်လုပ်ခြင်း၊ ဂျီဒီပီ ကိန်းဂဏန်းတွေ ပိုပြနိုင်အောင်
လုပ်ခြင်းဟာလည်း၊ ဟုတ်သလိုလို နဲ့၊ ဒါဟာလည်း မြန်မာပြည်အတွက်အဖြေမဟုတ်သေးဘူးဆိုတာရိုးရိုးသား
သားတွေးဆကြည့်ရင်သိနိုင်တယ်။

အဓိကပြသနာက၊ မြန်မာနိုင်ငံမှာ အသိဥာဏ်နည်းတဲ့ စစ်အာဏာရှင်တွေ၊ ပြည်သူကိုရန်သူလိုသဘောထား
တဲ့စစ်အာဏာရှင်တွေ၊ ဖက်စစ် တွေထက်ဆိုးတဲ့ လူမျိုးတူချင်း ကြီးနိုင်ငယ်ညှင်း ဝါဒနဲ့၊ ဘယ်သူသေသေ င
တေမာရင်ပြီးရောဆိုပြီး ကျင့်ကြံတဲ့သူများ ရှိနေသေးသ၍၊ မြန်မာပြည်ဟာနောက်ကြောင်းပြန်မလှည့်ဘဲရှေ့
သို့သွားနေတယ်ဆိုတာဟာ အဓိပါယ်ရှိလိမ့်မှာမဟုတ်ဘူးလို့ထင်တယ်။

ဒီနေ့မြန်မာပြည်ရဲ့ဖြစ်ပေါ်ပြောင်းလဲမှုတွေကိုပြန်ကြည့်မယ်ဆိုရင်၊ အခြေအနေ အတိုင်းအတာတစုံအောက်
မှာ ယခုလိုအပြောင်းအလဲတွေကိုလုပ်ပေးနေတာဖြစ်ပြီး၊ တကယ်အစစ်အမှန် ပြောင်းလဲမှုတွေကိုလုပ်နေတဲ့
ပုံ လုံးဝမပေါက်ဘူး ဆိုတာပါလီမန်ရယ်၊ စစ်တပ်ရယ်၊ အောက်ခြေတာဝန်ရှိသူတွေရဲ့လုပ်ဆောင်ချက်တွေကို
ကြည့်ရင်သိသာတယ်။ စစ်တပ်ကြီးစိုးရေး ဝါဒနဲ့ လုပ်ဆောင်ချက်တွေဟာ၊ မြန်မာနိုင်ငံကို အပြောင်းအလဲလု
ပ်နေ တဲ့အချိန်မှာ ရှင်းရှင်းလင်းလင်းဖြစ်အောင် ပြည်သူကို ချပြ ပြောပြ လုပ်ဆောင်ပြဖို့ လုံးဝ လိုကို လိုအပ်
တယ်လို့မြင်တယ်။

မြန်မာပြည်ကို ဆင်းရဲမွဲတေနေအောင်လုပ်ခဲ့တဲ့သူတွေဟာ၊ လူမြင်ကွင်းထဲကပြောက်နေပေမယ့်၊ ကန့်လန့်
ကာနောက်ကွယ်မှာရှိနေတုန်းဘဲ၊ တစုံတခုသောအတိုင်းအတာအထိ ကြိုးကိုင်နေဆဲဘဲဆိုတာ ခန့်မှန်းလို့
ရနေတယ်။ အဲဒီလူတွေအပြင်၊ အဲဒီ အာဏာရှင်တွေအသုံးချခဲ့တဲ့ ယန္တရားတွေ၊ အဖွဲ့အစည်းတွေဟာလည်း
တည်ရှိနေဆဲဘဲဖြစ်တယ်။ ဒီနေရာမှာသတိကြီးစွာထားဖို့လိုတာက၊ စစ်အာဏာရှင်တွေဟာ ရာဇဝတ်သား
(criminals) ဘဝ ကနေ၊ ယခုလိုအမြန်အဆန်ပြောင်းလဲရေးလုပ်ငန်းစဉ်တွေကိုလုပ်တာဟာ အသက်ရှုေ
ပါက်ရှာတာဖြစ်တယ်။ အသက်မှန်မှန် ပြန်ရှုလို့ရရင်၊ နဂိုမူရင်းအတိုင်းဘဲ ပြန်လည်ပြုမူလိမ့်မယ်ဆိုတာပွင့်
လင်း ပြီးထင်သာမြင်သာ မရှိတဲ့အခြေအနေတွေက ညွှန်ပြနေတယ်။

ကိုမင်းကိုနိုင်နဲ့ ၈၈ ခေါင်းဆောင်များသို့အကြံပြုခြင်း

စစ်အစိုးရဟာ၊ ယခုလိုအသက်ပုံမှန်ပြန်ရှုနိုင်ဖို့ လုပ်နေတဲ့အချိန်မှာ၊ ၈၈ ခေါင်းဆောင်များလို တိုင်းပြည်
ကိုအမှန်တကယ်ချစ်မြတ်နိုးသူများအနေနှင့်၊ မြန်မာပြည်နဲ့မြန်မာပြည်သူတွေအမှန်တကယ်လွတ်မြောက်
စေဖို့အတွက်၊ ထင်ထင်ပေါ်ပေါ် ပြင်ဆင်မှုတွေလုပ် နေစေချင်တယ်။ သိသာထင်ရှားတဲ့တည်ဆောက်မှု့
တွေ၊ ပြုလုပ်သင့်တယ်။ အလုံးစုံသောအခြေအနေများအရ၊ မြန်မာပြည်နဲ့ ပြည်သူလူထုဟာ စစ်အာဏာ
ရှင်အောက်မှ လွတ်ပါပြီလို့လက်ဆုတ်လက်ကိုင်မပြနိုင်သေးခင်မှာ၊ အချိန်နဲ့တပြေးညီ ခြေလှမ်းကျဲကျဲ
တည်ဆောက်မှုတွေ လုပ်နေဖို့လိုအပ်တယ်လို့မြင်တယ်။ အတိတ်ကဖြစ်ပျက်ခဲ့ပြီးသောအခြေအနေများ
ပေါ်မူတည်ပြီးရရှိခဲ့သောအတွေ့အကြုံများအရ၊ စနစ်တကျ (systematic) တိုက်ပွဲဝင်ခြင်းဆိုတဲ့တည်ေ
ဆာက်မှုမျိုးကို ပြုလုပ်ဖို့အကြံပေးလိုတယ်။ ယနေ့အခြေအနေများအရ စစ်အစိုးရက ဒီမိုကရေစီကိုဘန်း
ပြပြီး ၎င်းတို့လိုခြင်တာတွေကို မရ ရအောင်ယူနေတဲ့အချိန်မှာ၊ အတိုက်အခံများဘက်ကလည်းဒီအခြေခံ
အခွင့်အရေးတွေကိုဘဲသုံးပြီး၊ ပြည်သူတွေဟာ ကျွန်တော်တို့တွေနဲ့ တသွေးတည်းတသားတည်းရှိတယ်
ဆိုတာကို တစိုက်မတ်မတ် လုပ်ဆောင်ထားနိုင်မယ်ဆိုရင်၊ နောက်တကြိမ်တွေအလိမ်ခံရခြင်းမှ ကာကွယ်
နိုင်လိမ့်မယ်လို့ထင်မြင်မိပါတယ်။ အဲဒါအပြင် အခြေအနေအရ လိုအပ်လျှင် စစ်အာဏာရှင်စနစ်ချုပ်ငြိမ်း
ရေးအတွက် အထက်ပါတည်ဆောက်ထားမှုများနဲ့ မြန်မာပြည်ကို လွတ်လပ်သော ဒီမိုကရေစီအခွင့်အရေး
များအပြည့်အဝရှိသော၊ လူလူခြင့်နှိပ်စက်မှုများမရှိတော့သော နိုင်ငံသစ်ဆီသို့ သယ်ဆောင်နိုင်လိမ့်မယ်
လို့ယုံကြည်ပါတယ်။