စစ်တပ် ပဓါန ဝါဒ

မြန်မာပြည်ကို ၁၉၆၂ မှာ စစ်တပ်က အာဏာသိမ်းပြီးနောက်ပိုင်းအချိန်ကစပြီးမြန်မာနိုင်ငံရဲ့ဆုတ်ယုတ်မှု
ခရီးစဉ်ကိုစတင်ခဲ့တယ်လို့ပြောလို့ရတယ်။ မင်းသားမလုပ်ရရင်ပတ်မကြီးကိုထိုးဖေါက်ပစ်မယ်ဆိုတဲ့အ
ယူအဆနဲ့ ဗိုလ်ချုပ်နဲ့အာဇာနည်တွေကို ရက်ရက်စက်စက်လုပ်ကြံသတ်ဖြတ်ခဲ့တာဟာ တိုင်းပြည်ကို
စစ်အာဏာသိမ်းပြီးစစ်တပ်ပဓါနဝါဒနဲ့အုပ်ချုပ်တယ်ဆိုတဲ့ အယူအဆနဲ့တဆက်တည်းပါဘဲ။ လွတ်လပ်
ရေးရပြီးကတည်းက မကောင်းတဲ့ သန္ဓေ တည်မှုနဲ့စခဲ့တဲ့မြန်မာနိုင်ငံဟာ အစစ်အမှန် တိုးတက်ရေးလ
မ်းကြောင်းပေါ်ကိုရောက်ဖို့အတွက် အရှိန်ယူနေဆဲဘဲလို့ပြောလို့ရတယ်။ အဲဒီလိုတိုးတက်မှုဘက်ကို
သွားနေတဲ့အချိန်မှာ၊ မြန်မာပြည်သားတိုင်းရဲ့လိုအပ်ချက်ကတော့၊ မှန်ကန်တဲ့အယူအဆကိုတဦးချင်းစီ
အလိုက်မှာမွေးမြူဖို့နဲ့၊ တိုင်းပြည်အတွက်အမှန်တကယ်ကြိုးကြိုးစားစားလုပ်ဆောင်ခြင်းပါဘဲ။

ဒါပေမယ့်၊ ယနေ့လောလောဆယ်ကာလအထိမြန်မာ ပြည်ကိုအပြောင်းအလဲတွေဖြစ်အောင်လုပ်နေပါတ
ယ်ဆိုတဲ့သူတွေဟာ စစ်တပ်ကြီးစိုးရေးဆိုတဲ့အယူဝါဒကိုစွဲကိုင်ထားတဲ့သူများသာလျှင်ဖြစ်နေသေးကြော
င်း တွေ့ရသည်။ မြန်မာပြည်သမိုင်းကြောင်းမှာ၊ အတုယူစရာအစိုးရတရပ်မရှိခဲ့သေးသည့်အပေါ်မှာ၊ တို
င်းပြည်အမှန်တကယ်တိုးတက်ရေးကိုလုပ်လိုတဲ့ဆန္ဒပြင်းပြစွာရှိတယ်ဆိုရင်၊အနစ်နာခံပြီးပြည်သူအများစု
ထင်သာမြင်သာအောင်လုပ်ဆောင်ပြသောပုဂ္ဂိုလ်များဖြစ်တယ်ဆိုတာသက်သေပြရန်လိုအပ်ပါသည်။ သို့
ပါသော်လည်း၊ ယခုအထိအခြေအနေများအရ၊တိုင်းပြည်နှင့်ပြည်သူများ၏လိုအပ်ချက်များကိုဖြည်ဆည်း
ပေးရမယ့်အစား၊ ပြည်သူတွေ၏ဘဝများ၊ ယခင်ကထက်ဆိုးဝါးအောင်နဲ့၊ပြည်သူတွေရဲ့အကျိုးစီးပွါးထ
က်၊၎င်းတို့ကိုယ်တိုင်နဲ့ ၎င်းတို့နဲ့ဆက်စပ်ပတ်သက်နေတဲ့သူတွေရဲ့အကျိုးစီးပွါးတွေကိုသာရှေ့ရှုလုပ်
ဆောင်နေဆဲဘဲဆိုတာ၊ လယ်ယာမြေတွေကိုအဓမ္မသိမ်းယူနေမှုတွေက ညွှန်းဆိုနေတယ်။

စစ်တပ်အသုံးစရိတ်ကိုပြန်ကြည့်မယ်ဆို၊ ယခင်ကထက် ၅ % လျော့ကျသွားတယ်ဆိုပေမယ့်၊ တိုင်းပြည်
နဲ့ပြည်သူတွေကို အထောက်အကူဖြစ်စေမယ့် ကျန်းမာရေးပညာရေးတွေမှာတော့ အဆပေါင်းများစွာန
ည်းနေသေးတာကိုတွေ့ရပါတယ်။ ယှဉ်ပြီးပြောရမယ်ဆိုရင်တော့၊ စစ်ရေးအတွက် ၂၁ % (US$ 2.4 bil
lion) ဖြစ်ပြီး၊ ကျန်းမာရေးအတွက် ၁.၈ % (US$ 7 /person/year) ဖြစ်တယ်။ ဒီနေရာမှာ၊ တချို့လူေ
တွေကအ
မေရိကန်နဲ့နှိုင်းယှဉ်ပြီး၊ အမေရိကန်က စစ်အသုံးစရိတ်အတွက် အမေရိကန်ဒေါ်လာ ၃၈၀၃ ဘီလီယံသုံး
နေချိန်မှာ၊ မြန်မာက ကျပ် ဘီလီယံ ၆၀၀ သာသုံးနေတယ်ဆိုပြီး၊ လှည်ဖျားပြောဆိုနေတာတွေတွေ့ရတ
ယ်။ အဲဒီလိုအမေရိကန်နဲ့ယှဉ်ပြီးပြောရမယ်ဆိုရင်၊ အမေရိကန်က သူ့ရဲ့စစ်အသုံးစရိတ်ကို တိုင်းပြည်တ
ခုလုံးအသုံးစရိတ်ရဲ့ ၁၉ % သာရှိပြီး၊ ကျန်းမာရေးအတွက် ၂၃ % သုံးမှာဖြစ်တယ်။ ဒါတောင်အမေရိကန်
ကတကမ္ဘာလုံးမှာသူ့ရဲ့တပ်တွေဖြန့်ထားတာဖြစ်တယ်။ အဲဒီတော့ မြန်မာကစစ်အသုံးစရိတ်မှာ အများ
ကြီးသုံးနေသေးတာ၊ သဘာဝမကျဘူးလို့ထင်တယ်။ ဒီနေရာမှာဆင်ခြေပေးတာက၊ မြန်မာ့တပ်မတော်
ကိုခေတ်မှီတဲ့တပ်မတော်ဖြစ်အောင်တည်ဆောက်ဖို့လိုတယ်လို့ဆိုကြပြန်တယ်။ ဘာလို့လည်းဆိုတော့
မြန်မာနိုင်ငံဟာ၊ အင်အားကြီး နှစ်နိုင်ငံဖြစ်တဲ့တရုပ်နဲ့အိန္ဒိယကြားမှာ၊ ကျူးကျော်စစ်တွေဖြစ်လာရင်ပြန်
ပစ်စရာဘာလက်နက်မှမရှိဘူးလို့ဆိုတယ်။ ဒီအယူအဆဟာ ဟုတ်သလိုလိုရှိပေမယ့်၊ ၂၁ ရာစုခေတ်မှာ
တနိုင်ငံနဲ့တနိုင်ငံကျူးကျော်စစ်တွေကို ကမ္ဘာကလက်မခံတော့သလိုလက်ပိုက်ကြည့်နေမှာလည်းမဟုတ်
ဘူးဆိုတာ သာဓကတွေအများကြီးရှိခဲ့တယ်။

ဒီနေ့ကာလ၊ ယူနီဖေါင်းချွတ် ပြီး အစိုးရတာဝန်ရှိတွေဆိုပြီးလုပ်နေကြတဲ့သူတွေ၊ စစ်တပ်နဲ့အသွင်ပြော
င်းအာဏာရှင်တွေကို ကျားကန်ပေးထားတဲ့ပါတီကြီးကပုဂ္ဂိုလ်တွေဟာ၊ စစ်တပ်က ထိန်းသိမ်းထားလို့တို
င်းပြည်ရဲ့အချုပ်အချာအာဏာ တည်တန့်နေတာ၊ ဘာညာဆိုပြီး ယခုအချိန်အထိဝါးဒဖြန့်ပြီးပြောဆိုနေ
ကြတုန်းဘဲဖြစ်တယ်။ အဲဒီအယူအဆဟာ မမှန်ဘူး၊ အာဏာရှင်တစုရဲ့အမှားတွေလုပ်ထားတာကိုဖုန်းကွ
ယ်ဖို့ဘဲဖြစ်တယ်ဆိုတာအားလုံးကသိထားတယ်ဆိုတာကို ထိုပုဂ္ဂိုလ်တွေမေ့နေကြတယ်။ စစ်တပ်နဲ့ပတ်
သက်လို့အမှန်တကယ်ဖြစ်နေရမယ့် အခြေအနေက၊ လွန်ခဲ့တဲ့တပတ်က မြင်းခြံမှာဖြစ်ခဲ့တဲ့၊ ခမရ ၁၅ မှ
စစ်ဗိုလ်တွေနဲ့စစ်သားတွေပါဝင်တဲ့အုပ်စုတစုက အရပ်သားတယောက်ကိုဝိုင်းရိုက်ပြီးနောက်၊ ၎င်းတို့မှား
တယ်ဆိုတာသိပြီး ခခယယ ပြန်လည်တောင်းပန်ခြင်းကိုပြုလုပ်ခဲ့ရာမှာ၊ အရိုက်ခံရပြီးနှာခေါင်းသွေးထွက်
ဖူးရောင်သွားခဲ့တဲ့အရပ်သားပုဂ္ဂိုလ်က ခွင့်လွတ်ပေးလိုက်တယ်ဆိုတဲ့အခြေအနေမျိုးတွေကိုလုပ်ပြနေရမ
ယ်။ လက်နက်အားကိုးနဲ့ကျောင်းသားတွေကိုသတ်ဖြတ်နှိပ်စက်ခဲ့သလို၊ ဘုန်းကြီးတွေကိုသတ်ဖြတ်နှိပ်
စက်ခဲ့သလို၊ လူမျိုးစုတွေကို ၎င်းတို့ရဲ့ဒေသတွေမှာ၊ သတ်ဖြတ်နှိပ်စက်ခဲ့သလို၊ မကြာသေးခင်ကအထိ
လက်ပတောင်းတောင်မှာ ဆန္ဒပြသူတွေကို နှိမ်နင်းခဲ့သလို မျိုးအယူအဆနဲ့၊ မြန်မာပြည်မှာစစ်တပ်က
သာလျှင်အဓိကအကျဆုံး၊ ငါတို့စစ်သားတွေသာလျှင် တိုင်းပြည်ကိုကယ်တင်သူတွေဖြစ်တယ်လို့ဘဲယူ
ဆနေမယ်ဆိုရင်တော့၊ ရှေ့ဆက်ပြီးကောင်းတာတွေဖြစ်လာနိုင်ဖို့က သိပ်ပြီးမလွယ်ကူလှဘူးလို့မြင်မိ
ပါတယ်။

အမှန်တကယ်တော့၊ လက်နက်အားကိုးတဲ့သူတွေဟာ သူရဲဘောကြောင်ပြီးကြောက်တတ်တဲ့သူတွေဖြစ်
ကြတယ်ဆိုတာအားလုံးနားလည်ကြပါတယ်။ အဲဒါကြောင့် သူတို့တွေဟာ Fair Fighting ကိုတော်ရုံနဲ့
လက်မခံတတ်ကြဘူး။ စစ်တပ်ကတိုင်းပြည်ရဲ့အာဏာကိုအချိန်မရွေးပြန်သိမ်းယူနိုင်တယ်၊ စစ်တပ်က
တိုင်းပြည်ရဲ့ဘဏ္ဍာငွေတွေကိုလိုအပ်သလိုယူသုံးနိုင်တယ်၊ နိုင်ငံတော်သမ္မတဟာ စစ်တပ်ဘက်ကလာ
တဲ့သူသာဖြစ်ရမယ်၊ လွှတ်တော်ထဲမှာ စစ်တပ်က ၂၅ % ထားမယ်ဆိုတာတွေဟာ ရွံရှာဖွယ်ကောင်းတဲ့မ
တရားမှုတွေဖြစ်တယ်ဆိုတာ၊ အဲဒီအယူအဆကို ဆက်လက်ရှင်သန်အောင်လုပ်နေကြတဲ့သူတွေသိသင့်
တယ်။ ဒီနေ့ မြန်မာနိုင်ငံရဲ့ အမှန်တကယ်တိုးတက်ပြောင်းလဲမှုကိုမြင်ချင်တယ်ဆိုရင်၊ သူရဲဘောကြော
င်တဲ့ လက်နက်၊အုပ်စုအားကိုးပြီးအနိုင်ပိုင်းတယ်ဆိုတဲ့အယူအဆကို စွန့်လွှတ်ပြီး၊ Fair Fighting လို့
ခေါ်တဲ့၊ တန်းတူရည်တူ တရားမျှမျှတတ ယှဉ်ပြိုင်ခြင်းကိုသာ ဒီမိုကရေစီလို့ခေါ်နိုင်မှာဖြစ်ပြီး၊ အမှန်တ
ကယ်တတ်ကျွမ်းနားလည်သော အမှန်တကယ်တိုင်းပြည်ကိုချစ်သော သူများကသာလျှင် တိုင်းပြည်ကို
တိုးတက်အောင်ပြုလုပ်နိုင်မှာဖြစ်ကြောင်း ထောက်ပြအပ်ပါသည်။
----------------------------------------------

 မြန်မာနိုင်ငံ မှာ စစ်တပ် ကြီးစိုးရေးဝါဒ