၈၈ ခေါင်းဆောင် မင်းကိုနိုင်ရဲ့ ဖိတ်ခေါ်ချက်ကို အပြည့်အဝထောက်ခံပါတယ်

မြန်မာပြည်အတွက်၊ မြန်မာပြည်သူတွေအတွက် ၁၉၈၈ ကနေစပြီး ယနေ့ ၂၄ နှစ်တိုင်အောင၊် ထူး
ထူးခြားခြားဘာမှ မလုပ်နိုင်သေးခဲ့သေးတဲ့အပေါ်မှာ၊ အခြေအနေ နဲ့အချိန်အခါကပေးလားတဲ့အခွ
င့်အရေးတွေကို၊ အကျိုးရှိစွာအသုံးချနိုင်ဖို့လိုကိုလိုအပ်နေတယ်။

ယခင်ကာလတွေတုန်းက၊ စစ်အာဏာရှင်နဲ့လက်ပါးစေတွေရဲ့ အဟန့်အတားအမျိုးမျိုးကိုခံနေခဲ့ရ
တာကြောင့် နိုင်ငံနှင့်ပြည်သူ အတွက် ထိရောက်သောလုပ်ဆောင်မှုတွေကိုမလုပ်နိုင်ခဲ့တာကတော့
သဘာဝကျလှပါတယ်။

စစ်အာဏာရှင်စနစ်ယခုအချိန်မှာကင်းစင်နေပြီလို့တော့ မဆိုလိုပါ။ မျက်နှာဖုန်းနောက်ကွယ်မှာရှိတဲ့
ပုဂ္ဂိုလ်ဟာ၊ တိုင်းပြည်နဲ့ပြည်သူတွေကို အမျိုးစုံသောဒုက္ခတွေပေးခဲ့ဘူးသူဆိုတာကိုတော့ မေ့လို့မရ
တဲ့အရာဖြစ်တဲ့အတွက်၊ ဦးနှောက်ထဲကဖျောက်ပစ်လိုက်လို့လဲမရသလို သမိုင်းမှာလည်းတွင်ကျန်ေ
နမယ့်ဖြစ်စဉ် ဆိုတာအားလုံးနားလည်ကြပါတယ်။

ဒါပေမယ့်၊ ဒီနေ့ကာလအခြေအနေတွေအရ၊ လုံးဝလွတ်လွတ်လပ်လပ်လုပ်လို့မရသေးပေမယ့်၊ တစုံ
တခုသောအတိုင်းအတာအထိ၊ ယခင်ကလုပ်လို့မရတဲ့ကိစ္စတွေ၊ ပြည်သူလူထုနဲ့၊ လူမှုအသိုင်းအဝိုင်း
အကျိုးဖြစ်ထွန်းစေမယ့်ကိစ္စတွေ၊ စစ်အာဏာရှင်စနစ်ကင်းစင်ပြီး၊ အမှန်တကယ် လွပ်လပ်တဲ့မြန်မာ
နိုင်ငံကြီးဖြစ်သည်အထိ၊ စွန့်လွှတ်အနစ်နာခံလုပ် မယ့်၊ ရဲဘော်ရဲဘက်တွေအကြားပိုမိုခိုင်မာတဲ့တ
ည်ဆောက်မှု့၊ လုပ်ငန်းတွေကို ရသမျှအချိန်အတွင်းမှာ၊ အားသွန်ခွန်စိုက်ပြီးလုပ်ဖို့လိုအပ်တယ်လို့
မြင်တယ်။ ဒီနေရာမှာတခု ထည့်တွက်ဖို့လိုတာက၊ ယခုရှိနေတဲ့အခြေအနေလိုမျိုး မနက်ဖြန်မှာရချင်
မှရလိမ့်မယ်။ အဲဒါကြောင့် ယခုလိုလုပ်လို့ရနေတဲ့အချိန်အတွင်းမှာ၊ နှစ်ဆတိုးလုပ်နိုင်ပါမှ၊ လွန်ခဲ့တဲ့
အချိန်တွေမှာ အလုပ်မဖြစ်ခဲ့တာတွေကိုကာမိလိမ့်မယ်။

ကိုမင်းကိုနိုင်ရဲ့ ပြည်ပရဲဘော်များ သို့ရည်ရွယ်တဲ့မိန့်ခွန်းဟာတော့၊ ဒီနေ့ကာလရဲ့လိုအပ်ချက်ကို
အပြည့်အဝ ဖြည့်ဆီးပေးလိုက်တာဖြစ်တယ်။ ရိုးရိုးသားသားနဲ့၊ တိုင်းပြည်ကောင်းကျိုးကိုမျှော်ကိုးပြီး
တလှေထဲစီး၊ တခရီးထဲသွား နေကြတဲ့ရဲဘော်ရဲဘက်တွေကို စုပေါင်းလုပ်ဆောင်ကြဖို့ဖိတ်ခေါ်ချက်
သာလျှင်ဖြစ်တယ်လို့ယုံကြည်ပါတယ်။

အဲဒါကြောင့်၊ မြန်မာပြည်ဒီမိုကရေစီ အရေးအတွက် လုပ်ဆောင်ရင်း၊ အကြောင်းအမျိုးမျိုးကြောင့်ပြ
ည်ပကိုရောက်နေသူများ၊ ကိုမင်းကိုနိုင်ရဲ့ဖိတ်ခေါ်ချက်ကို လေးလေးနက်နက်စဉ်းစားပြီး၊ လုပ်သင့်
တာတွေစလုပ်ကြဖို့တိုက်တွန်းပါတယ်။

ဥပမာအားဖြင့်၊ non violent နည်းနဲ့လုပ်ဆောင်နေကြတဲ့အဖွဲ့အစည်းများမှာပါဝင်နေကြတဲ့သူတွေ
ကိုတော့ ဦးသိန်းစိန်အစိုးရအနေနဲ့ပြသနာ မရှာလောက်ဘူးလို့ခန့်မှန်းလို့ရပါတယ်။ မြန်မာပြည်ထဲ
ပြန်ဝင်ဖို့မဖြစ်နိုင်သေးတဲ့သူများ အနေနဲ့လည်း၊ ကိုမင်းကိုနိုင်အကြံပြုသလို၊ အခမ်းအနားတွေ၊ ဆ
န္ဒပြတာတွေထက်၊ ပိုမိုအလုပ်ဖြစ်မယ့်လုပ်ငန်းတွေ၊ ရှိနေတာကြောင့်၊ အဲဒီလိုလုပ်ငန်းမျိုးတွေကိုရှာ
ကြံလုပ်ဆောင်ခြင်း (ဥပမာ - ၈၈ ခေါင်းဆောင်များလုပ်ဆောင်နေသောလုပ်ငန်းများကိုအထောက်
အကူပြုစေရန်၊ စနစ်တကျ နှင့် ပုံမှန်ဘဏ္ဍာငွေ ရှာဖွေထောက်ပံ့ပေးခြင်း) အားဖြင့်ကျွန်တော်တို့အား
လုံးရဲ့ဒီမိုကရေစီနိုင်ငံသစ်ကြီးဆီကိုချီတက်ခြင်းရဲ့ Day One ကိုစတင်နိုင်ပေမည်။ အဲဒါကြောင့်ကျွ
န်တော်တို့အားလုံးအနေနဲ့၊ ၈၈ ခေါင်းဆောင်များကို လက်တွေ့ကျသော ထောက်ခံပံ့ပိုးမှုတွေကိုအ
မြန်ဆုံးအကောင်အထည်ဖေါ်သင့်ကြောင်းထင်မြင်မိပါသည်။