မြန်မာပြည် ဘယ်ကိုဦးတည်သွားနေပါသလဲ?

ယနေ့မြန်မာပြည်သည်ဘယ်ကိုဦးတည်ပြီးဘယ်ကိုရောက်မယ်ဆိုတာကို၊ ဘယ်သူမှတတ်အပ်မပြောနိုင်သော
အခြေအနေတွင်ရောက်ရှိနေသည်ဟုထင်သည်။ဘာဖြစ်လို့လဲဆိုတော့ မြန်မာပြည်ရဲ့အနာဂတ်ကိုမည်သူမှတိ
တိကျကျမပြောနိုင်တဲ့အခြေအနေမှာရောက်ရှိနေလို့ဘဲဖြစ်ပါတယ်။

ဥပမာ အားဖြင့်၊ မြန်မာပြည်ရဲ့ပြည်သူကရွေးချယ်ထားခြင်းမဟုတ်တဲ့အတင်းအဓမ္မသမ္မတ သိန်းစိန်၊ ဘာလီသ
တင်းစာရှင်းလင်းပွဲမှာပြောတာက၊ မြန်မာနိုင်ငံနဲ့ပတ်သက်ပြီးရှေ့ဆက်ပြီးတော့လုပ်စရာကတော့တိတိကျကျ
တော့မရှိသေးဘူး၊ အခြေအနေပေါ်မူတည်ပြီးဆက်လုပ်သွားရမှာဘဲဆိုပြီး၊ မြန်မာသတင်းထောက်တွေအများစု
ပါဝင်တဲ့၊ သတင်းစာရှင်းလင်းပွဲမှာပြောသွားခဲ့တယ်။

ဆိုလိုတာက၊ သူကိုယ်တိုင်ကသမ္မတဖြစ်နေတယ်ဆိုပေမယ့်၊ သူကိုယ်တိုင်ရဲ့လုပ်ပိုင်ခွင့်ကို၊သူကိုယ်တိုင်အသုံး
မချနိုင်ဘဲဖြစ်နေတယ်ဆိုတဲ့သဘောဖြစ်တယ်။ မြန်မာပြည်မှာလတ်တလော၊ ဖြစ်ပျက်နေတဲ့ကိစ္စအဝဝ ကိုကြ
ည့်လျှင်၊ အခြေအနေအရဖြစ်သင့်လို့သမ္မတအနေနှင့် ၎င်း၏လုပ်ပိုင်ခွင့်နယ်ပယ်ထဲမှာလုပ်လို့ရနိုင်မဲ့ကိစ္စတွေ
ဟာ၊ မလိုအပ်ဘဲကြန့်ကြာနေတာတွေရှိနေတယ်။ ဒါတွေဟာဘာ့ကြောင့်လဲဆိုတော့၊ သိန်းစိန်အနေနှင့်တဖက်
ပိုင်းမှာညှိနှိုင်းမှုတွေလုပ်နေရတဲ့ပုံပေါ်သည်။ တဖက်ပိုင်းဆိုတာက၊ သန်းရွှေ (သို့) အခြားသောလက်သစ်အာ
ဏာရှင်အုပ်စု (သို့) လောလောဆယ် မပြောပလောက်သောအပြောင်းအလဲများကိုလက်မခံသောခေါင်းမာသ
ည့်အာဏာရှင်များဖြစ်ပေလိမ့်မည်။ ဒီလိုဆိုရင်သိန်းစိန်သည်၊ သမ္မတလို့တံဆိပ်ကပ်ခံထားရတဲ့၊ မြန်မာပြည်ရဲ့
အနာဂတ်ကိုမသိနိုင်သော၊ မြန်မာပြည်သူလူထုရဲ့ရွေးချယ်ခြင်းကိုမခံခဲ့ရသောပုဂ္ဂိုလ်သာလျှင်ဖြစ်သည်။

ပြီးလျှင်မြန်မာပြည်ရဲ့အနာဂတ်ကို၊ မီဒီယာတွေမှာထုတ်ဖေါ်ပြောနေတဲ့၊ သမ္မတအကြံပေးဆိုသူများကိုပြန်ကြ
ည့်လျှင်၊ မြန်မာပြည်ဟာဆယ်စုနှစ်တခုအတွင်းမှာ အင်ဒိုနီးရှာလောက်အဆင့်ကိုရောက်လာအောင်လုပ်လို့ရ
တယ်။ ၂၅ နှစ်ကာလအတွင်း၊ အာရှထိပ်သီး ၃ နိုင်ငံထဲတနိုင်ငံအပါအဝင်ဖြစ်လာနိုင်တယ်ဟုပြောဆိုနေသူ
များဟာလည်း၊ သိန်းစိန်နဲ့အဖွဲ့တွေ၊ ဘယ်လိုရည်ရွယ်ချက်ရှိတယ်၊ ဘာတွေလုပ်နေတယ်ဆိုတာတွေကိုဂဃ
နဏမသိကြဘူးဆိုတာ၊ ၎င်းတို့ပြောဆိုချက်များအရ သိနိုင်ပေသည်။ ၎င်းတို့အကြံပေးနေရသောအစိုးရနှင့်
ပတ်သက်၍ ဘယ်လိုအစီအစဉ်တွေရှိတယ်သမ္မတအနေနှင့် ဘယ်ပုံဆက်လုပ်ဖို့တော့ရည်ရွယ်ထားတယ်ေ
နာက်တဆင့်လုပ်မယ့်အစီအစဉ်ကဘာဖြစ်တယ်ဆိုတာတွေကို၊ ဘာမှရေရေရာရာမပြောနိုင်ဘဲရှိနေခဲ့တယ်။ ဒါကိုတဖက်ကပြန်တွေးကြည့်မယ်ဆိုရင်တော့၊ မမြင်ချင်ယောင်မကြားချင်ယောင်ဆောင်နေတာလည်းဖြစ်ေ
ကာင်းဖြစ်မယ်။ ဒါမှမဟုတ်၊ အာဏာရှင်တို့လုပ်ရိုးလုပ်စဉ်အတိုင်း၊ မပြောဖို့ရန်နှုတ်ပိတ်ခံထားရတာလည်းဖြ
စ်ပေလိမ့်မည်။ အဲဒီလိုဆိုတော့သူတို့လည်းဘာမှမသိကြပါ။

ဒါဆိုရင်ကျွန်တော်တို့အတိုက်ခံတွေဘက်ကိုကြည့်တဲ့အခါဝယ်၊ အန်အယ်လ်ဒီဆိုတာရှိသည်။ ဒါဆိုရင်အန်
အယ်လ်ဒီရဲ့တာဝန်ရှိတဲ့သူတွေကိုမေးမြန်းကြည့်မယ်ဆိုပြန်ရင်လည်း၊ မြန်မာပြည်သည်၊ အတိအကျဒီမိုက
ရေစီဘက်ကိုဦးတည်နေသည်ဟု၊ ဘယ်သူမှထုတ်ဖေါ်မပြောနိုင်သည့်အခြေအနေမျိုးဖြစ်နေသည်။

အသေအချာပြန်စမ်းစစ်ကြည့်မယ်ဆိုရင်တော့၊ မြန်မာပြည်ကိုစုတ်ပြတ်သတ်နေအောင် နည်းမျိုးစုံနဲ့ဂုတ်
သွေးစုတ်ပြီး၊ ဖက်စစ်ဆန်ဆန်အုပ်စိုးခဲ့သူတွေကဘဲ၊ အပြောင်းအလဲလေးတချို့ကိုလုပ်ပြပြီးဒီမိုကရေစီဆို
တဲ့အရေခွံလေးကိုစွတ်ပြီး ဆက်လက်အသုံးတော်ခံနေကြတယ်ဆိုတာအထင်အရှားဖြစ်ပါတယ်။ ဘီလူးကို
မင်းသားခေါင်းပေါင်းနဲ့၊ မင်းသားဝတ်စုံတွေကိုအသေအချာဝတ်ပေးလိုက်တဲ့အခါမှာ၊ မင်းသားနဲ့တူသလို
လိုတော့ဖြစ်သွားမယ်။ ဒါပေမယ့်၊ မင်းသားဝတ်စုံတွေရဲ့အတွင်းမှာတော့၊ လူသားစားတဲ့ဘီလူးရှိနေတယ်
ဆိုတာဟာအမှန်တရားဖြစ်လိမ့်မယ်။

ဒီလိုဆိုရင်မြန်မြာ့ပည်ရဲ့ရှိခဲ့ပြီးသားအခြေအနေတွေအပေါ်မူတည်ပြီး၊ ယနေ့လက်ရှိအခြေအနေများနှင့်
ပေါင်းစပ်ပြီးအတိအကျပြောလို့ရနိုင်တာက၊ မြန်မာပြည်သည် စစ်အာဏာရှင်တွေရဲ့ ချယ်လှယ်မှုအောက်
မှာဘဲရှိနေတုန်းဘဲဆိုတာဖြစ်တော့သည်။